Samir Şərifov QDTİB prezidenti ilə görüşüb

14.12.2018 15:56
454
Samir Şərifov QDTİB prezidenti ilə görüşüb

Dekabrın 13-də Azərbaycanın Maliyyə naziri Samir Şərifov Qara Dəniz Ticarət və İnkişaf Bankının (QDTİB) yeni prezidenti Dmitri Pankinin rəhbərlik etdiyi nümayəndə heyəti ilə görüşüb. Dmitri Pankin


Bakıda keçirilən QDİƏT Xarici İşlər Nazirləri Şurasının iclasında iştirak etmək üçün ölkəmizə səfərə gəlib.


Ekspress.az Maliyyə Nazirliyinə istinadən xəbər verir ki, görüşdə Azərbaycan ilə QDTİB arasında tərəfdaşlığın mövcud vəziyyəti və daha da genişləndirilməsi, bankın 2019-2022-ci illər üzrə Orta müddətli Strategiya və Biznes Planının layihəsi, həmçinin bunun əsasında hazırlanacaq Azərbaycan üzrə 2019-2022-ci illər üçün ölkə strategiyası və qarşılıqlı maraq doğuran digər məsələlər müzakirə olunub.


QDTİB 1999-cu ildə Qara Dəniz İqtisadi Əməkdaşlıq Təşkilatının yaradıcısı və üzvü olan ölkələr ( Azərbaycan, Albaniya, Bolqarıstan, Gürcüstan, Moldova, Rumıniya, Rusiya, Türkiyə, Yunanıstan, Ukrayna və Ermənistan) tərəfindən yaradılıb. Hazırda Bankın nizamnamə kapitalı 3,45 milyard, səhm kapitalı 2,3 milyard avro təşkil edir. Səhm kapitalında Azərbaycan 5 % paya malikdir. Bank fəaliyyətə başlayandan bugünədək Azərbaycanda özəl sektora 34 layihə üzrə cəmi 339 milyon avro məbləğində kredit ayırıb.


Açar sözlər: