Oktyabrın 1-dən minimum pensiyanın məbləği 200 manat olacaq


19.06.2019 10:38
768
Oktyabrın 1-dən minimum pensiyanın məbləği 200 manat olacaq

“Minimum əmək haqlarının artırılması barədə imzalanan sərəncam dövlət sektorunda çalışan 500 mindən çox işçiyə şamil olunacaq”.


Ekspress.az xəbər verir ki, bunu Əmək və Əhalinin Sosial Müdafiəsi nazirinin müavini Anar Əliyev “REAL” televiziyasına müsahibəsində deyib.


Onun sözlərinə görə, minimum əməkhaqqı artımı bütün sahələrdə tətbiq olunacaq: “Apardığımız təhlillərə görə, özəl sektorda muzdla çalışan 300 minə yaxın insanın əməkhaqqında artım müşahidə olunacaq” (report).


Nazir müavini qeyd edib ki, “Əmək pensiyaları haqqında” qanuna təklif edilən dəyişikliklərə görə, Azərbaycanda minimum pensiyanın məbləği bu il oktyabrın 1-dən 160 manatdan 200 manata çatdırılacaq: “Bu da, təxminən, 25% artımdır. Bu artım 700 minə yaxın insanı əhatə edəcək”.


Ekspress.az

Açar sözlər: