• 19 °C Quba
  • 18 °C Gəncə
  • 16 °C Yevlax
  • 15 °C Naxçıvan
  • 20 °C Bakı

“Emin 444”ün qətlini sifariş edən şəxs Miqrasiya Xidmətində işləyib - AÇIQLAMA

16.05.2019 12:00
59
“Emin 444”ün qətlini sifariş edən şəxs Miqrasiya Xidmətində işləyib - AÇIQLAMA


Bakıda kriminal dairələrdə “Emin 444” və “Emin Massalinksi” ləqəbləri ilə tanınan kriminal avtoritet Emin Səfərovun qətlini sifariş verən Zaur Yusifovun dövlət qurumlarından birində yüksək vəzifə tutduğu iddia olunur.


Saytlarda yazılan məlumata görə, o, Dövlət Miqrasiya Xidmətinin əməkdaşıdır.


Ekspress.az xəbər verir ki, xidmətin İctimaiyyətlə əlaqələr şöbəsinin rəhbəri Elnur Kələntərli ona.az-a açıqlamasında adıçəkilən şəxsin qurumda çalışmadığını bildirib:


“Zaur Yusifov 2013-2017-ci ildə Miqrasiya Xidmətinin Bakı Regional İdarəsində inspektor vəzifəsində işləyib. 2017-ci ildə Dövlət Miqrasiya Xidmətindəki işinə xitam verilib”. 


Qeyd edək ki, Zaur Yusifov Kikboksinq üzrə bir sıra beynəlxalq yarışların qalibidir. Gənclər və İdman Nazirliyi tərəfindən “Əməkdar İdman Ustası” adına layiq görülüb. 


Mayın 10-na keçən gecə Binəqədi rayonunda, 6-cı mikrorayonun İsrafil Həşimov küçəsində əvvəllər məhkumluğu olan Səfərov Emin Ehtiram oğlu qətlə yetirilib.


Bakıda kriminal dairələrdə “Emin 444” və “Emin Massalinksi” ləqəbləri ilə tanınan kriminal avtoritet Emin Səfərovun qətlində altı nəfər iştirak edib. 


Ekspress.az

  • SON XƏBƏR
  • TREND