Kişi şahmatçılarımız dünya çempionatında üçüncü məğlubiyyətini alıb

08.03.2019 17:56
55
Kişi şahmatçılarımız dünya çempionatında üçüncü məğlubiyyətini alıb

Azərbaycanın kişi şahmatçılardan ibarət milli komandası Qazaxıstanın paytaxtı Astanada keçirilən dünya çempionatının IV turunda İsveç yığması ilə qarşılaşıb. 


Görüş skandinaviyalıların qələbəsi ilə yekunlaşıb - 3:1. Fikrət Sideifzadənin kapitan olduğu yığmanın üzvlərindən yalnız Rauf Məmmədov qələbə qazanıb. Əvəzində Arkadi Naydiç, Qədir Hüseynov və Eltac Səfərli rəqiblərinə təslim olub (report).


Beləliklə, 3-cü məğlubiyyətlə üzləşən Azərbaycan millisi 9-cu pilləyə enib. İlk qələbəsini qazanan İsveç isə 8-ci pilləyə yüksəlib.


İlk 3 turda Azərbaycan yığması Çin və İngiltərəyə uduzub, Qazaxıstanla heç-heçə edib. İsveç isə Hindistan, Qazaxıstan və İranla keçirdiyi qarşılaşmalardan məğlub ayrılıb.


IV turun Rusiya - İngiltərə matçında qalib müəyyənləşməyib - 2:2. ABŞ - Qazaxıstan, Hindistan - Çin və İran - Misir qarşılaşmaları hələ davam edir.


4 turdan sonra Rusiya 7 xalla liderdir. İngiltərə isə 6 xalla 2-ci pillədədir.


Ekspress.az

  • SON XƏBƏR
  • TREND