Ölkədə "koksaki" virusunun yayılması barədə məlumatlara RƏSMİ MÜNASİBƏT

13.02.2019 11:05
128
Ölkədə "koksaki" virusunun yayılması barədə məlumatlara RƏSMİ MÜNASİBƏT

Səhiyyə Nazirliyi Azərbaycanda "koksaki" virusunun yayılması barədə səslənən fikirlərə münasibət bildirib.


Nazirliyin Mətbuat xidmətindən bildirilib ki, Azərbaycanda "koksaki" virusunun yayılması barədə məlumatlar düzgün deyil. Belə ki, Azərbaycanda indiyədək aparılan laborator müayinələr zamanı "koksaki" virusuna yoluxma halı aşkarlanmayıb.


Nazirlikdən Azərbaycanda yoluxucu xəstəliklərə qarşı ciddi əks-epidemik tədbirlərin aparıldığı da bildirilib.


Qeyd edək ki, hüceyrədaxili parazit sayılan "koksaki" virusuna yoluxan insanlarda qızdırma, ishal əlamətləri, səpki özünü göstərir. "Koksaki" virusu qrip virusu kimi insanlara daha çox hava-damcı yolu ilə keçir. Buna görə də xəstəlik insanlar arasında sürətlə yayılır (Trend). Bu virusa məktəbəqədər və məktəbyaşlı uşaqlar daha çox yoluxurlar.


Ekspress.az

Açar sözlər:
  • SON XƏBƏR
  • TREND