“Feysbuk"u milyardlarla dollar cərimə gözləyir - SƏBƏB

15.02.2019 16:24
279
“Feysbuk"u milyardlarla dollar cərimə gözləyir - SƏBƏB


ABŞ-ın Federal Ticarət Komissiyası sosial şəbəkə istifadəçilərinin şəxsi məlumatlarının sızmasına görə çoxmilyardlı cərimə ilə bağlı "feysbuk" (Facebook) danışıqlar aparır.


Ekspress.az xəbər verir ki, bu barədə “Vaşinqton Post” iki məlumatlı mənbəyə istinadən xəbər yayıb.


Nəşrin məlumatına əsasən, tərəflər son məbləğin müzakirəsini aparır. Danışıqlar daşa dirənsə, Ticarət Komissiyası işi məhkəməyə aparacaq.

Bu, Ticarət Komissiyasının indiyə kimi hər hansı texnologiya şirkətinə kəsdiyi ən iri məbləğli cəriməyə çevrilə bilər. Nəşrin məlumatına əsasən, bundan əvvəl ən iri məbləğdə cəriməni “Google” şirkəti 2012-ci ildə ödəyib - 22,5 milyon dollar.  


“Feysbuk” şirkətinin rəsmisi danışıqlarda iştirak etdiklərini təsdiqləsə də, təfərrüata varmaqdan imtina edib.


Xatırladaq ki, Federal Ticarət Komissiyası 2018-ci ilin mart ayında 87 milyona yaxın sosial şəbəkə istifadəçisinin şəxsi məlumatlarının Donald Trampın seçki kampaniyası ilə əməkdaşlıq etmiş “Cambridge Analytica” analitik şikətinə ötürülməsi ilə əlaqədar “Feysbuk”a qarşı istintaqa başlamışdı.

Şirkət həmin məlumatlar əsasında seçicilərin siyasi seçimlərini araşdırıb və onlara öz maraq dairələrində olan reklamları göstərib.


Açar sözlər: