Telefon almaq üçün pul verməyən ananı... - Oğuldan dəhşətli əməl

01.08.2019 23:55
203
Telefon almaq üçün pul verməyən ananı... - Oğuldan dəhşətli əməl

Bakı Ağır Cinayətlər Məhkəməsində qəsdən adam öldürməkdə təqsirləndirilən Eldar Müslümovun cinayət işi üzrə məhkəmə prosesi davam edir.


Ekspress.az xəbər verir ki, hakim İlham Mahmudovun sədrliyi ilə keçiriləcək növbəti məhkəmə prosesi avqust ayının 8-nə təyin edilib.


İttihama görə, bu ilin fevral ayının 18-də Bakının Nərimanov rayonu ərazisində 26 yaşlı Müslümov Eldar Şirəddin oğlu 66 yaşlı anası Müslümova Nailə Əzim qızını öldürüb.


O, ilkin ifadəsində anasını ona “smartfon” telefon almadığı üçün öldürdüyünü deyib. E.Müslümov ifadəsində bildirib ki, ailə-məişət münaqişəsi zamanı stulla anasının sinə nahiyəsinə zərbə endirib. Qadın zərbənin təsirindən yıxılıb və başı divara dəyib.


Törətdiyi hadisədən dərhal sonra E.Müslümov mənzilin qapısını bağlayaraq hadisə yerindən qaçıb.


Fevralın 19-u saat 16:00 radələrində anasının sağ qaldığı ümidi ilə evə geri dönüb, təcili tibbi yardım çağırıb. Ancaq həkimlər onun öldüyünü deyib.


E.Müslümova Cinayət Məcəlləsinin 120.2.11 (xüsusi amansızlıqla qəsdən adamöldürmə) maddəsi ilə ittiham verilib. (ölkə)


Ekspress.az

Açar sözlər: