Millimizin baş məşqçisi: Xalsız qalsaq da, oyunçulardan narazı deyiləm


22.03.2019 10:37
108
Millimizin baş məşqçisi: Xalsız qalsaq da, oyunçulardan narazı deyiləm

"Xalsız qalsaq da, oyunçulardan narazı deyiləm".


Ekspress.az -ın məlumatına görə, bunu Avro-2020-in seçmə mərhələsində keçirilmiş Xorvatiya – Azərbaycan oyunundan (2:1) sonra millimizin baş məşqçisi Nikola Yurçeviç deyib.


O qeyd edib: “Dünyanın ən güclü komandalarından birinə qarşı oynadıq. Rəqib qrupun mütləq olaraq ən güclü komandasıdır. Bu oyuna ciddi hazırlaşmışdıq. Bəlkə də hissənin sonlarında qol buraxmasaydıq, xal qazana bilərdik. Xalsız qalsaq da, oyunçulardan narazı deyiləm".


Baş məşqçi xatırladıb ki, Xorvatiya FIFA reytinqində 4-cü yerdə qərarlaşıb: "Bu görüş bizim gələcəyimiz, motivasiyamız üçün vacibdir. Azərbaycanda baharın gəlişi münasibətilə bayram qeyd olunur. Biz istəyirdik ki, göstərdiyimiz oyunla və qazandığımız nəticə ilə bu bayrama öz töhfəmizi verək. Təəssüf ki, xal qazana bilmədik, amma çalışdıq ki, öz oyunumuzla azarkeşləri sevindirək".


N.Yurçeviç əlavə edib ki, qarşıdakı müddətdə komanda ilə işləmək üçün çox vaxt olacaq: "Ümid edirəm ki, Slovakiya və Macarıstanla oyunlarda daha yaxşı performans göstərəcəyik. Bu görüşlər bizim üçün həlledici olacaq. Optimistəm və inanıram ki, qələbə qazana biləcəyik".Xorvatiya yığmasının baş məşqçisi Zlatko Daliç isə Azərbaycan millisi çox motivasiyalı olduğunu bildirib: "Oyunun əvvəlində çoxlu qol epizodu yarada bilmədik. Seçmə mərhələnin əvvəlində vacib 3 xal qazandıq (Trend). Oyunçularımı qələbə münasibətilə təbrik edirəm. Azarkeşlərə dəstəklərinə görə minnətdaram. İndi bizi Macarıstanla səfər oyunu gözləyir. Bu, seçmə mərhələnin əvvəlidir, qarşıdakı oyunlarda daha güclü olacağıq. Bir qədər səbrli olmalıyıq. Əsas odur ki, 3 xal qazandıq”.


Ekspress.az

Açar sözlər:
  • SON XƏBƏR
  • TREND